मनातल्या साउल्या ______

अजूनही मी अगदी तसाच आहे..
तुझी प्रत्येक हालचाल
हृदयात गुंफणारा
माझ्या हरएक श्वासावर
तुझंच नाव लिहिणारा
बावरलेल्या माझ्या मनाला
तुझ्यापासून लपवणारा
तुझ्या सहवासाच्या झुळूकीला
माझ्या कवितांत लिहिणारा
अजूनही मी अगदी तसाच आहे..
तुझ्या ओठांवरच्या शब्दांना
फुलांसारखं झेलणारा
त्या शब्दांत मला शोधत
देहभान विसरणारा
हरघडी प्रत्येक क्षणी
तुझेच भास अनुभवणारा
अजूनही मी अगदी तसाच आहे..
कदाचित इकडून कदाचित तिकडून येशील
म्हणून दाहि दिशा शोधणारा
अचानक पाहशील वळून
कधीतरी हळुवार साद देशील
परतून येशील त्या वळणावरून माझ्यासाठी
याच आशेवर डोळ्यात प्राण गोठवून
तुझीच वाट पाहत थांबलेला ...
आजही मी अगदी तसाच आहे.......
आजही मी अगदी तसाच आहे.......फ़क़्त तू तेवढी बदललीस ....

                  ________ शैलेश